Թավշյա հեղափոխություն․․․

Թավշյա հեղափոխություն կամ սիրո և համերաշխության հեղափոխություն

Վայր՝ Երևան; Գյումրի, Վանաձոր, Հրազդան, Իջևան, Աշտարակ, Արմավիր, Գավառ, Փարաքար և այլ բնակավայրեր։

Պատճառ՝ Սերժ Սարգսյանի հավակնությունները ՀՀ վարչապետի պաշտոնին, նրա՝ ՀՀ նախագահի պաշտոնը զբաղեցնելու  ժամանակ վարած ներքին և արտաքին քաղաքականությունը։

<<Իմ քայլը>> նախաձեռնություն

Պայքար էր իշխանությունների անարդարությունների, կոռուպցիայի, իշխանավորների անպատժելիության դեմ։

<<Իմ քայլը>> նախաձեռնությունը սկսվեց 2018 թվականի ապրիլին։ Այդ ամենի կազմակերպիչը <<Ելք>> կուսակցության ղեկավար Նիկոլ Փաշինյանն էր։

Նա քայլարշավ սկսեց Գյումրիից, որը տարածվեց հանրապետության բոլոր մարզերով։

Ամբողջ ընթացքում ցույցերը ուղեկցվեցին հետևյալ կարգախոսներով՝

«Քայլ արա՛, Մերժի՛ր Սերժին», <<ՀՀկ հեռացիր>>։

Կային նաև ոստիկաններին ուղված կարգախոսներ՝ «Զենքդ դի՛ր, մերժի՛ր Սերժի՛ն», «Ոստիկա՛ն, միացի՜ր»։

Նաև վարորդներին ուղղված «Սերժին դեմ ես, սիգնալ տո՛ւր»։Սոցցանցերում տարածվեց #ՄերժիրՍերժին հեշթեգը։

Տեղի ունեցան բախումներ ոստիկանների և ցուցարարների միջև, բայց, փառք Աստծո, չունեցանք ոչ մի զոհ։

Ապրիլի 23-ն էր՝ ցուցարարներին միացան զինվորականները։ Եվ հենց նույն օրն էլ ստացանք Սերժ Սարգսյանի հրաժարականի ավետիսը։

Ժողովուրդը ցնծության մեջ էր, երբ իմացավ, որ Սերժ Սարգսյանը հրաժարական է տվել։

Այդ օրերին մարդկանց դեմքից ժպիտը անպակաս էր։ Ես կյանքում չէի տեսել այդքան ժպտացող մարդիկ, ինչքան տեսա այս օրերին։ Մարդիկ շատ էին բարիացել։

Դրանից հետո պարոն Փաշինյանը և իր կողմնակիցները պահանջում էին իշխանությունից ՀՀկ-ի հիմնովին հեռացումը։ Հետո ցուցարարները սկսեցին բացականչել «Սերժին դեմ ես, սիգնալ տո՛ւր» կարգախոսը, և ամբողջ քաղաքը ողողվեց մեքենաների ազդանշաններով։

Բոլորիս կողմից հայտնի ոստիկան Աշոտը նույնպես միացավ ցուցարարներին։

Խորհրդարանային ընտրությունների առաջին նիստի ժամանակ՝ մայիսի 1-ին, Նիկոլ Փաշինյանը չընտրվեց որպես վարչապետ։

Մայիսի 2-ին ԱԺ ՀՀԿ խմբակցության ղեկավար Վահրամ Բաղդասարյանը լրագրողների հետ հարցազրույցում ասաց, որ ՀՀԿ խմբակցությունը մայիսի 8-ին կայանալիք ընտրություններում կսատարի 1/3-ի կողմից առաջադրված թեկնածուին՝այսինքն Նիկոլ Փաշինյանին։

Այսպիսով թավշյա հեղափոխության արդյունքում՝ մայիսի 8-ին, ՀՀ-ում վարչապետ ընտրվեց ժողովրդի ընտրյալը՝ Նիկոլ Փաշինյանը։