💚Վինի Թուխի նոր արկածները💚

«Վինի Թուխի նոր արկածները, Արջուկ Վինի և նրա ընկերների արկածները» (անգլ.՝ The New Adventures of Winnie the Pooh) — ամերիկյան մուլտսերիալ ստեղծված The Walt Disney Company ընկերությունում՝ ներշնչված Ալան Միլնի ստեղծագործությունից։ Մուլտսերիալը սկզբում ցուցադրվել է 1988 թվականից մինչև 1991 թվականը ամերիկյան American Broadcasting Company(ABC) ալիքով։ Կրկնությունը նույն հեռուստաալիքով ցուցադրվել է մինչև 2002 թվականի աշունը, որից հետո ցուցադրվել է Disney Channel ալիքով։
Սակայն 2006 թվականի սեպտեմբերի 4-ից մուլտսերիալը այլևս չցուցադրվեց այդ ալիքի և նրա պաշտոնական կայքի եթերներում և ցուցադրման ժամանակացույցը անհետացավ։ Իսկ 2004 թվականի նոյեմբերից Վինի Թուխի նոր արկածները լրիվ հեռացվեց Toon Disney ալիքի հեռարձակումից և առավելություն տրվեցին Դիսնեյի ավելի հանրաճանաչ սերիալներին։

Մինչ մուլտսերիալի ստեղծումը (1988 թվական), The Walt Disney Company ընկերությունը թողարկել է 4 կարճամետրաժ ֆիլմեր Վինի Թուխի մասին (Վինի Թուխը և մեղրի ծառը, Վինի Թուխը և հոգսերի օրը (մուլտֆիլմ, 1968), Վինի Թուխը և նրա հետ նաև Վագրը և Վինի Թուխը և Իա-Իայի պատվին նվիրված տոնը), մեկ ֆիլմ, որը համատեղել է առաջին երեք կարճամետրաժ մուլտֆիլմները (Վինի Թուխի զանազան արկածները) (1977 թվական) և հեռուստատեսային տիկնիկային շոու (Բարի գալուստ Թուխի անկյունը)։

Գործող հերոսներ Վինի Թուխին, Իա-Իային, Կենգային, Փոքրիկ Ռուին, Ճագարին, Բվին, Պյատաչոկին, Քրիստոֆեր Ռոբինին և Գետնասկյուռին եկան միանալու նաև նորերը՝ Քրիստոֆեր Ռուբինի մայրիկը, Բվի զարմիկը, Դիքստերը, Քեսսին, Կապտավզիկը, Փոքրիկ Փղիկը և նրա ծնողները, Սկիփփի հովվական շունը, Սթեն Վուզլը և Հեֆֆը։

Մուլտսերիալում Քրիստոֆերը խոսում է ընդգծված ամերիկյան ակցենտով հենց առաջին իսկ սերիաներում։ Ուրիշ կարճամետրաժ մուլտֆիլմներում նա ուներ բրիտանական ակցենտ։

Վինի Թուխը և Վագրը նախկինում եղել են մուլտֆիլմի հերոսներ, որոնք նկարահանվել են թմրամիջոցների դեմ պայքարի գովազդներում, որը նկարահանել է Cartoon All-Stars to the Rescue ընկերությունը։