Ապահովագրություն․․․

Ապահովագրություն, որոշակի վճարի դիմաց ռիսկի փոխանցում մի սուբյեկտից մեկ այլ սուբյեկտի։ Ռիսկի կառավարման տեսակ է։ Ապահովագրության է ենթակա այն կանխատեսելի (անորոշ) ռիսկը, որի տեղի ունենալը կարող է լինել պատահական և ոչ անխուսափելի։

Ապահովագրության իրականացման հիմնական շարժիչ ուժերն են՝

Ֆիզիկական և իրավաբանական անձանց այն գույքային շահերը, որոնք կապված են տարբեր ռիսկերի տեղի ունենալու հետևանքով իրենց հասցված վնասների գծով փոխհատուցում ստանալու հետ։

Սպարապետություն,հազարապետություն,ասպետություն,մաղխազություն

Սպարապետություն, զինված ուժերը կառավարող արքունի գործակալություն հին և միջնադարյան Հայաստանում։ Գործակալը՝ գլխավոր հրամանատարը, կոչվել է սպարապետ։ 4-5-րդ դարերին սպարապետությունը ժառանգաբար վարել են Մամիկոնյանները։ Արշակունյաց թագավորության անկումից (428) հետո սպարապետությունը պահպանել է իր իրավունքները և զգալի դեր խաղացել մարզպանական Հայաստանի կառավարման գործերում։ Հայկական ռազմական ուժերը կենտրոնացնելով իր ձեռքում՝ սպարապետությունը պայքարել է երկրի ինքնուրույնության համար, գլխավորել Սասանյան Պարսկաստանի դեմ բռնկված հայ ազատագրական շարժումները (450-451, 481- 484 և այլն)։ 9-11-րդ դարերին Սպարապետություն վարել են Բագրատունիների, ապա՝ Պահլավունիների ներկայացուցիչները։ Կիլիկյան Հայաստանում սպարապետություն հիմնականում վարել են Ռուբինյանների և Հեթումյանների ներկայացուցիչները, սակայն այն չի եղել այդ տների մենաշնորհը։ Սպարապետություն հանձնվել է նաև զինվորական գործում աչքի ընկած այլ ավատատեր բերդատերերի։

ՀՀ կենդանիների Կարմիր գիրքը...

ՀՀ կենդանիների Կարմիր գիրքը հաստատվել է Հայաստանի կառավարության 29.01.10 թ.-ի թիվ 71–Ն որոշմամբ։ՀՀ նոր Կարմիր գրքի պատրաստումը իրականացվել է 2007–2009 թթ.-ի ժամանակահատվածում առկա տվյալների և նոր դաշտային ուսումնասիրությունների հիման վրա՝ ՀՀ ԳԱԱ կենդանաբանության և հիդրոէկոլոգիայի գիտական կենտրոնի, Երևանի պետական համալսարանի և այլ գիտական կառույցների մասնագետների կողմից։

Տեսակների վիճակի գնահատումը և կատեգորիաների որոշումը իրականացվել է միջազգային չափորոշիչների հիման վրա՝ Բնության պահպանության միջազգային միության դասակարգիչների կիրառմամբ (IUCN, 2007–2009, տարբերակ 3.1)։

Կարմիր գիրք․․․

ՀՀ Կարմիր գրքում ընդգրկված ողնաշարավոր կենդանիների տեսակների քանակը՝ ըստ կարգաբանական խմբերի և հազվագյուտության կարգավիճակի
Կարգաբանական խումբ	Տեսակների ընդհանուր քանակը	Տեսակների քանակը					Տեսակների քանակը Միջազգային Կարմիր գրքում
		անհետացած	անհետացող	հազվագյուտ	կրճատվող	անորոշ
Ձկներ	2		2	1			2
Երկկենցաղներ	1				1
Սողուններ	11		6	4	1		7
Թռչուններ	67		20	34	13		3
Կաթնասուններ	18	2	3	6	6	3	1

Գեղեցիկը․․․

Գեղեցիկը, կատեգորիա, որը բնութագրում է իրականության մեջ և արվեստում դրսևորվող գեղագիտական բարձրագույն արժեքը։ Գեղեցիկի պրոբլեմի տարբեր մեկնաբանումները միշտ եղել են գաղափարա-փիլիսոփայական և բուն գեղագիտական շահերի, նախասիրությունների բախման առարկա։ Բացահայտելով գեղեցիկի բնույթն ու աղբյուրները՝ իդեալիստական գեղագիտությունը դիմում է կամ վերացական ոգուն, գաղափարին, կամ տարբեր վերափոխումներով այն վերագրում է զուտ անհատի գիտակցությանը։ Նախամարքսյան մատերիալիստները մեծ մասամբ գեղեցիկը բացատրել են բնական օրինաչափություններով՝ համաչափությամբ, ռիթմով ևն, ձգտել են ապացուցել գեղեցիկի օբյեկտիվությունը՝ այն համարելով նյութական աշխարհի հատկություն։ Գեղագիտական մտքի պատմության մեջ գեղեցիկի մեկնաբանումներում գերիշխել են մատերիալիստական միտումները։

Հոգեբանական խառնվածքի տիպերը

Ֆլեգմատիկ

Խոլերիկ

Սանգվինիկ

Մելանխոլիկ

սանգվինիկ (տաքարյուն)

խոլերիկ (դյուրագրգիռ).   

ֆլեգմատիկ (սառնարյուն)

մելանխոլիկ (մելամաղձոտ)

Ֆլեգմատիկներ բնավորությամբ հանգիստ են, չունեն արտահայտված դիմախաղի շարժումներ, աչքի են ընկնում իրենց անտարբերությամբ, դանդաղ են վերափոխվում աշխատանքային մի գործունեությունից մյուսը։ Արյան մեջ գերակշռում է լորձը։

Երջանկությունը կփրկի աշխարհը․․․

Կար մի իմաստուն ուսուցիչ։Նա առանց պատճառի միշտ ուրախ էր։Նույնիսկ մահանալիս նա անհոգ ծիծաղում էր։  Սովորողներից մեկը հարցրեց.

-Ուսուցի՛չ, ինչպե՞ս է, որ Դուք միշտ ուրախ եք, անգամ ձեր մահվան օրը։ Ուսուցիչը պատասխանեց.

-Երբ ես 17 տարեկան էի, ունեի մի Վարպետ։Նա միշտ ուրախ էր։Ես նույնը հարցրեցի նրան։Նա պատասխանեց.

-Ամեն առավոտ արթնանալիս ես ինքս եմ ընտրել՝ ուրա՞խ լինել, թե՞ տխուր։Եվ ես կարծում եմ, որ դա ճիշտ է։