Անհատական ուսումնական պլան մարտի 30-ապրիլի 6

• Էլ.հասցեի, սոցիալական կայքերի ստուգում, դպրոցի ու լրատվական կայքերի նյութերի հետ ծանոթացում
• Կրթահամալիրի ուսումնական օրացույցով որոշված, կազմակերպչիս առաջարկած ուսումնական նախագծերի իրականացում
• Հեռավարառցանց ուսուցման ծրագրով ուսուցչի հրապարակած առաջադրանքների կատարում
•  Լրացուցիչ կրթություն՝ անհատական պարապունքներ (անգլերեն, աշխարհագրություն)
• Ինքնակրթություն՝ ընթերցանություն, ֆիլմի դիտում և այլն

Արդեն կատարված առաջադրանքներ՝

1․Անգլերեն

1, 2, 3

2․Գրականություն

1, 2

Կազմակերպչի առաջարկած նախագծերից՝

1․Զատկական ծեսի շրջանակներում
2․«Ես եմ՝ շրջանավարտը» առցանց նախագիծ
3․Կորոնավիրուսի տարածման պատճառով առավելագույնը տուժած հայտնի միլիարդատերեր
4․ Աշխարհում իրականացվող առցանց ուսուցման մոդելներ. դպրոցներ, համալսարաններ, քոլեջներ

Իմ դիտած ֆիլմերը՝

1․Մենք ենք, մեր սարերը

Ֆիլմի մասին

Մենք ենք մեր սարերը, Հենրիկ Մալյանի՝ Հրանտ Մաթևոսյանի համանուն ստեղծագործության հիման վրա նկարահանած գեղարվեստական կինոնկար։ Նկարահանվել է Հայֆիլմ կինոստուդիայում 1969 թվականին։

Բնութագիր

Իշխանի հոտում հայտնվում են անծանոթ ոչխարներ, և նա երեկոյան աշխատանքից հոգնած հովիվներին ու հնձվորներին առաջարկում է մորթել ոչխարները։ Առանց երկար-բարակ մտածելու, ընկերովի մորթում են ոչխարներն ու խորոված պատրաստում։ Խորովածն ուտելու պահին հայտնվում է Ռևազն ու միանում նրանց կերուխումին։ Ուտելուց հետո Ռևազը հիշում է, որ ոչխար է կորցրել ու հովիվներին հարցնում է, թե նրանք անծանոթ ոչխարներ չե՞ն տեսել արդյոք։ Իշխանն ու ընկերները հասկանում են, որ իրենց մորթածը Ռևազի ոչխարներն էին ու փորձում են վերջինիս խաբելով ճանապարհ դնել։ Միջամտում են Զավենն ու Պավլեն, ովքեր կոպտում են Ռևազին։

Ռևազի կինը դիմում է միլիցիային, և գյուղ գործուղված քննիչը փորձում է քանդել պատմության կծիկը։ Սակայն լեյտենանտը հասկանում է, որ արվածը դիտավորյալ գողություն չէ, և որոշում է հետաքննություն չանցկացնել։ Բայց իր ղեկավարության առաջ անաչառ երևալու համար նա սկսում է, օրենքի տառին համապատասխան, հետաքննել գործն ու հարցաքննել մասնակիցներին։

Քննությունը շարունակելու համար լեյտենանտը որոշում է գործի մասնակիցներին՝ Իշխանին, Ավագին, Պավլեին, Զավենին ու Ռևազին, տանել միլիցիայի բաժանմունք։ Իսկ քանի որ հենց այդ օրերին գյուղից պետք է ոչխարներ տանեին մթերակայան, նրանք քաղաք են գնում սարերով՝ իրենց հետ տանելով մթերման հոտը։

2․Մեր մանկության տանգոն

Ֆիլմի մասին

Մեր մանկության տանգոն, 1984 թվականին «Հայֆիլմ» կինոստուդիայում նկարահանված Ալբերտ Մկրտչյանի ֆիլմը։

Բնութագիր

Անսովոր բնավորության տեր հայ կնոջ մասին է. հետպատերազմյան ծանր տարիներին նա կարողանում է մեծացնել երեխաներին և փորձում է վերադարձնել ամուսնուն, որը ռազմաճակատային ընկերուհու հետ է կյանքը կապել։

3․Նամուս

Ֆիլմի մասին

Նամուս, 1925 թվականին Հայֆիլմում  նկարահանած կինոնկար։ Հայֆիլմի առաջին ֆիլմն է։ Նկարահանվել է ըստ Ալեքսանդր Շիրվանզադեի համանուն դրամայի։ Ֆիլմի նկարահանման նախաձեռնությունը պատկանում է Դանիել Դզնունուն։

Բնութագիր

Կինոնկարը պատմում է երիտասարդ զույգի՝ Սեյրանի և Սուսանի ողբերգական սիրո մասին։

Ընթերցած գրքեր

1․Մարկ Արեն «Այնտեղ, որտեղ ծաղկում են վայրի վարդեր»

 Բնութագիր

Գիրքը հեղինակի երկրորդ ծավալուն վեպն է, որտեղ նկարագրվում են հայատյաց մի թուրք նախկին զինվորականի ապրումները, երբ նա ծերության հասակում հանկարծ լսում է իր մորից միակ հիշողություն մնացած օրորոցայինն ու հայտնաբերում, որ դա հայերեն է, իր ծնողներն էլ հայեր են եղել։ Նույն զինվորականն այնուհետեւ ողջ կյանքում շարունակել է փնտրել հայ ծնողների գերեզմանները` առանց իմանալու, որ իր` հայ լինելու լուրը թյուրիմացություն էր:

2․Հովհաննես Թումանյան «Գիքոր»

Բնութագիր

Համբոն տղային՝ Գիքորին, տանում է քաղաք, որ աշխատի, «մարդ դառնա»՝ հույս ունենալով, որ որդին հնարավորինս կօգնի ընտանիքին։ Գիքորը սկզբում աշխատում է բազազ Արտեմի տանը, սակայն մի շարք անախորժություններից հետո նրան տանում են աշխատելու խանութում։ Օտար միջավայրում միայնակ մնացած գյուղացի տղան չի կարողանում անհրաժեշտ պատշաճությամբ կատարել իր վրա դրված պարտականությունները, ինչի պատճառով բազմիցս պատժվում է։ Նրան տանջում է նաև հայրենի գյուղի ու ընտանիքի կարոտը։