Կորոնավիրուսի տարածման պատճառով առավելագույնը տուժած հայտնի միլիարդատերեր

1987 թվականի հոկտեմբերից ի վեր առաջին անգամ Նյու Յորքի ֆոնդային բորսայում հիմնական ցուցանիշների ամենամեծ փլուզման պատճառով առևտրային փուլից հետո աշխարհի 20 ամենահարուստ մարդիկ կորցրել են գրեթե 78 միլիարդ դոլար: Նման տվյալներ է հրապարակել Forbes-ը:

Forbes-ի փորձագետները գնահատել են, որ ամենամեծ կորուստները կրել են Amazon-ի ղեկավար Ջեֆ Բեզոսը։ Ընկերության բաժնետոմսերի գինը 8%-ով նվազելուց հետո նա կորցրել է գրեթե 8 միլիարդ դոլար:

Ֆրանսիական LVMH (Louis Vuitton Moet Hennessy) ընկերությունների խմբի գլխավոր տնօրեն Բերնար Առնոյի կարողությունները մեկ օրվա ընթացքում նվազել են 7,7 միլիարդ դոլարով:

Forbes-ի ցուցակում նաև հայտնվել է Facebook-ի ղեկավար Մարկ Ցուկերբերգը, որը կորցրել է 5,7 միլիարդ դոլար, և միլիարդատեր Լարի Էլիսոնը, որի կարողությունը նվազել են 5,6 միլիարդով:

Հինգշաբթի օրը կորոնավիրուսի տարածման պատճառով Նյու Յորքի ֆոնդային բորսայում կայացած առևտրային փուլից հետո հիմնական ցուցանիշները փլուզվել են ավելի քան 9%-ով: Սա ֆոնդային գների ամենամեծ փլուզումն է 1987-ի հոկտեմբերից ի վեր:

Ըստ կայքի առևտրային հարթակի տվյալների, Dow Jones արդյունաբերական ինդեքսը նվազել է 2352.60 կետով (-9,99%) և կանգնել 21.200.62 կետում: S&P 500 ինդեքսը, որն իր մեջ ներառում է ԱՄՆ շուկայի 500 խոշորագույն ընկերություններին, կորցրեց 260,74 միավոր (-9.51%) և հայտնվել 2480.64 կետի վրա: Nasdaq էլեկտրոնային փոխանակման ինդեքսը նվազել է 750,25 կետով (-9,43%)՝ հասնելով մինչև 7201,80-ը: