Իմ կարծիքը կառավարության նոր կառուցվածքի վերաբերյալ․

Մինչև օպտիմալացումը կառավարության կառուցվածքը հետևյալն էր՝

1) աշխատանքի և սոցիալական հարցերի նախարարություն

2) առողջապահության նախարարություն

3) արդարադատության նախարարություն

4) արտակարգ իրավիճակների նախարարություն

5) արտաքին գործերի նախարարություն

6) կրթության, գիտության, մշակույթի և սպորտի նախարարություն

7) շրջակա միջավայրի նախարարություն

8) պաշտպանության նախարարություն

9) տարածքային կառավարման և ենթակառուցվածքների նախարարություն

10) բարձր տեխնոլոգիաների արդյունաբերության նախարարություն

11) էկոնոմիկայի նախարարություն

12) ֆինանսների նախարարություն

13)Սփյուռքի նախարարություն

14) Գյուղատնտեսության նախարարություն

15) Տնտեսական զարգացման և ներդրումների նախարարություն

16) Էներգետիկ ենթակառուցվածքների և բնական պաշարների նախարարություն

17) Տրանսպորտի, կապի և տեղեկատվական տեխնոլոգիաների նախարարության

Հունվարի 17-ին կառավարության նիստի ժամանակ վարչապետ Նիկոլ Փաշինյանը հայտարարել էր, որ իշխանությունը միտքը չի փոխել, նախարարությունների թիվը կրճատվելու է։ Կառավարության կառուցվածքի փոփոխության մասին օրենքի նախագծով նախատեսվում էր 17  նախարարությունից թողնել 12-ը։

Նախագծերի փաթեթով առաջարկվել է պետական կառավարման համակարգի արդյունավետության բարձրացման նպատակով կրճատել պետական կառավարման համակարգի մարմինների թիվը:

Իմ կարծիքով պետք է գյուղատնտեսության նախարարությունը պահպանել, քանի որ գյուղատնտեսությունը Հայաստանի համար համարվում է  գերակա ոլորտ  և ռեալ զարգանալու հնարավորություններ  ունի։  Դրանում  ներգրավված է երկրի բնակչության մեծ մասը: Հայաստանի սահմանամերձ շրջաններում ապրող մարդիկ՝ մայրաքաղաքից բավականին հեռու գտնվելով, չունեն ոչ մի աջակցություն գյուղատնտեսությունը զարգացնելու համար։ Ոստի պետք է վարել այնպիսի քաղաքականություն, որով կխթանեն գյուղատնտեսության արագ և արդյունավետ զարգացմանը։Դրա համար գյուղացիներին պետք է տրամադրվի  անտոկոս կամ ցածր տոկոսադրույքով վարկեր, պրոֆեսիոնալ տեղեկատվություն, որը կօգնի գյուղացուն բավականին հեշտ և արագ զարգացնել գյուղատնտեսությունը և ստանալ բարձր եկամուտ։ Մշակույթի նախարարությունը պարտադիր պետք է թողնել, որովհետև  առանց մշակույթի նախարարության հնարավոր չէ զարգացնել մշակույթը և աջակցել դրա տարածմանը։ Հայաստանում կան բարձրակարգ և պրոֆեսիոնալ մշակույթի գործիչներ՝ կոմպոզիտորներ, երգիչներ,դերասններ, ովքեր ունեն պետական աջակցության կարիք և առանց պետության հովանավորության չեն կարող զարգանալ և ներկայանալ աշխարհին։ Պետք է ընդլայնել Շրջակա միջավայրի  նախարարությունը, որովհետև գլոբալ տաքացման, անտսռների ոչնչացման և էկոլոգիական աղետը կանխելու  համար պետք է կատարվեն հսկայական աշխատանքներ։ Պետք է խստացնել անտառների վերահսկողությունը, խստորեն պահպանել կենդանական և բուսական աշխարհը, հատկապես նրանց, որոնք էնդեմիկ են Հայաստանի համար և գրանցված են Կարմիր գրքում։ Խստագույնս պետք է պահպանվի Սևանա լիճը, որը համարվում է Հայաստանի ամենամեծ ջրային օբյեկտը։ Հնարավորինս պետք է բացառվի ոռոգման նպատակներով Սևանա լճի ջրի օգտագործումը, կենցաղային թափոններով լճի աղտոտումը, որոնք հանգեցնում է լճի ծաղկմանը, ինչպես գրանցվեց 2018 թվականի ամռանը։Պետք է խելամիտ օգտագործվեն ձկնային պաշարները։ Իմ կարծիքով կառավարության օպտիմալացումից առաջ պետք է բացվեն նոր աշխատատեղեր, որտեղ կաշխատեն օպտիմալացման արդյունքում աշխատանքից կրճատված մարդիկ։